! Eslam !

يا هندســـه

ابتسم دائما.......تبتسم لك الحياة

معلومات أكثر عنى

You

الخميس، أغسطس ١٦، ٢٠٠٧

كيف يتم تغير استايل بلوجر

بسم الله الرحمن الرحيم

بناء على طلب الجماهير نبدء درس كيف تغير استايل مدونك بنفسك

الاول حقول بعض الاشياء المهم

وهى ان معظم المدونين الجدد يستخدمون بلوجر بالنظام الجديد وليس القديم والنظام الجديد هو اسهل نظام فى التتدوين وفى تغير الاستايل

ويميز الاستايل الجديد بالقديم بالاتى

(XML Type) استايل من النظام الجديد يكتب بجانبه

[Classic] اما النظام القديم يكتب بجانبه

و النظام القديم وهو ما يسمى بالنظام الكلاسيك فهو نظام يحتاج إلى بعض الدروس للتعليم

فهو يحتاج برنامج اسمه

FrontPage

وهو ما يستخدم في تصميم المواقع بلغه الـ اتش تى ام ال

( html )

وبعد اكواد الجاف سكربيت

بعد ما أتكلمنا عن الانظمه بتاعه المدونات تعالوا بقا معايا نعرف ازاى نغير استايل المدونة

لأول ندخل على الموقع دة والموقع دة عبارة عن استايلات جاهزة

http://www.finalsense.com


بعد ما نتدخل على الموقع حيفتح معانا بالشكل دة



دة زى ما قولنا فوق دة اللي بيميز الاستايل انه ينفع يشتغل على النظام القديم ولا الجديد طبعا النظام اللي فوق دة تابع النظام الجديد


بتضغط عليها علشان تخذ الكود بتاع المدونة وتحطه في المدونة بتاعتك
أول ما تضغط تظهر الصفحة دة


زى ما أنت شايف في مستطيل برتقالي جوه المستطيل دة في كود هو دة الكود المطلوب كليك يمين جوه المستطيل
برتقالي وبعدين
Select all
وبعدين
Copy
وبعدين تذهب إلى المدونة بتاعتك وتفتح الاكونت بتاعك عادى وتتدخل على
layout
وبعدين على
Edit HTML


تظهر الصفحة دة
تعمل إيه بقا تمسح الكود اللي موجود دة خالص وبعدين كليك يمين وتنزل الكود اللي أنت اخذ من الموقع بتاع الاستايل
وبعد من الكود ينزل كله صح اضغط على
Save Template
وادخل شوف المدونة بتاعتك بشكله الجديد وبكده انتهاء درس انهارده
لا تنسونى من صالح دعائكم
والسلام عليكم

"كيف يتم تغير استايل بلوجر"

 

كــاتب الـــرد Anonymous غير معرف

يا معلم
تمااااااااااااااااااااااااااااام
بس فيه مشكله ازاي اقدر ادخل بقي عليها كمالك مش كزائر

 

كــاتب الـــرد Blogger إيمان الحسيني

جزاك الله كل خير يا إسلام

زمااااااان أخويا علمني إزاي اشتغل على برنامج الفرونت بيج
بس طبعا أنت عارف الزهايمر :)

ربنا ييسر وأحاول أفتكره تاني


أخونا الكريم مجرد إنسان
أنا تحايلت على النقطة بإني عملت زرار صغير وربطته بصفحة الدخول على المدونة
بمعنى إني حطيت الزرار ده في المدونة بحيث إني لما أدوس عليه يفتح صفحة الدخول للمدونة
نظام ودنك منين يا جُحا :)

وفيه طريقة تانية
إنك تدخل تكتب رد على أي موضوع
وطبعا هيطلب منك إنك تسجل دخول وأنت بتبعت الرد

 

كــاتب الـــرد Blogger ! Eslam !

مجرد انسان

جزاك الله خير على مرورك الكريم

بص بقا يا باشا زى ما قالت لك طعمه كدة

بس فى حاجه ايه الصعب ياعنى انك تكتب فى الادرس بار بتاع المتصفح

العنوان دة
https://www.blogger.com/start

وبعدين تعمل تسجيل دخول

وبعد كدة تشوف مدونتك وتبقا انت مالك المدوونه

او زى ما قالت طعمه تتدخل تكتب الرد بتاعتك

وتختار جوجل / بلوجر

وتكتب اليوز نيم بتاعك ( ايمل المدونه ياعنى )

والباص ورد بتاع المدونه

وبعدين اضغط على

Publish Your Comment

الزرار البرتقالى دة اللى تحت خالص

ياعنى مش صعبه ياعنى ولا حاجه

 

كــاتب الـــرد Blogger ! Eslam !

طعمه

جزانا الله وياكم يا رب

وياريت تتعملى البرنامج وتشتغلى عليها حيفيدك كتير والله يا طعمه

وطبعا اى حاجه عاوزه الممارسه علشان تثبت

علشان الزهايمر ما يأثر عليها :d

 

كــاتب الـــرد Blogger @y@t

جيت متأخر انا عارفة
جيت بعد ما عملت الاستايل
جزاك الله خيراً

 

كــاتب الـــرد Blogger ! Eslam !

ايات
ولا يهمك عادى ياعنى
لو محتاجه اى حاجه انا تحت امرك
جزانا الله واياكم

 

كــاتب الـــرد Blogger اللؤلؤة Nehal H Hamza

أنا دخلت الموقع من يومين كده اتفرجت وطلعت
:D

فعلا مكنتش أعرف إزاي بيتعمل
جزاك الله كل خير يا إخ إسلام

هختار دلوقتي واحد وأجرب بإذن الله

السلام عليكم

 

كــاتب الـــرد Blogger اللؤلؤة Nehal H Hamza

ممم
انا جيت
:(

خلصت الحمدلله
بس فيه حاجة غريبة
!
الشريط اللي فوق خالص
اللي بيكون فيه sign in و new post
وكده يعني
اختفي؟؟

مش لاقياه فوق ولا تحت خالص
إيه الحل؟؟

مش هعرف اسجل دخول ولا اعمل نيو بوست
!!

 

كــاتب الـــرد Blogger اللؤلؤة Nehal H Hamza

اخ اسلام
المدونة فاضية خالص؟؟؟
مش لاقية غير البوستات
اما المدونات والمواقع والصور وكل حاجة اختفت

أعمل إيه
؟؟؟؟؟؟؟؟

أنا عايزة أرجعها ذي ماكانت
:(

 

كــاتب الـــرد Blogger ! Eslam !

لؤلؤة
جزانا الله واياكم بأذن الله
------------------------------
بالنسبه لشريط بتاع بلوجر اللى فوق
انا مش عارف ايه الكسل اللى انتى في دة
طيب ما تتدخلى على الموقع دة وتعملى منه تسجيل دخول
http://www.blogger.com/home
ومن جوه ادخلى على نيو بوست
وادخلى على كل المدونه من جوه مفيش مشكله خالص
----------------------------
هههههههههههههه
الحاجات راحت كلها اتعملت فيكى زى ام البنات
حتعملى ايه طيب مفيش غير انك تنزليهم من تانى واحده واحده كدة
ولو عاوزه حاجه انا موجود

 

كــاتب الـــرد Blogger عمار وجدي الصاوي

اسلام حبيبي ازاي اغير النظام الى النظام الجديد ؟؟


ازاي يا هندسه؟؟؟

 

كــاتب الـــرد Blogger إيمان الحسيني

نصيحة صغيرة لكل واحد عاوز يغير استايل مدونته
افتح صفحة وورد واحتفظ بالاستايل الحالي بكل إضافاته من روابط ومواقع وصور
وغير الاستايل زي ما أنت عاوز
بعدين خد الروابط من الاستيل القديم وحطها تاني في الجديد

 

كــاتب الـــرد Blogger ! Eslam !

عمار الصاوى

ازاى يا عنى ماانتى يابنى على النظام الجديد
لو عاوز بقا تغير للنظام القديم يبقا لازم تتعمل للغه
html
علشان تقدر تظبط التصميم

 

كــاتب الـــرد Blogger ! Eslam !

طعمه
جزاك الله خير
------------
بس ازاى حيقد بعد ما يغير الاستايل انه يأخد الروابط والاضافات
؟؟؟؟
-------------------
تقربيا لازم عند طريقه مدونه تانيه يخد الكود وينزله صح
؟؟؟؟؟
--------------------------------
ايه حكايه مدونه ياميش رمضان ؟؟؟؟

 

كــاتب الـــرد Blogger إيمان الحسيني

أنا قصدت من كلامي إنه يحتفظ بنسخة من مدونته بالشكل القديم سواء كانت على النظام القديم أو النظام الجديد
بيحث إنه مايقعدش يدور بعد كده على اللينكات إللي طارت منه
وغذا لا قدر الله حصل خطأ وعاوز يرجع للشكل القديم
يبقى محتفظ بنسخة عنده

وصلت يا هندسة :)

بخصوص ياميش رمضان
بقى يا راجل فيه حد في الدنيا مايعرفش ياميش رمضان ؟
:D

كل سنة وأنت طيب

 

كــاتب الـــرد Blogger ! Eslam !

وصلت طبعا
الله ينور عليكى يا بشمهندسه طعمه
-----------------
وكل سنه وانتى طيبه وبصحه وسلامه
يامش رمضان طبعا ومين ميعرفيش
بس انا مقصديش كدة
انا اقصد ليه المدونه محظوره مش اى حدا يدخله :D

 

كــاتب الـــرد Blogger إيمان الحسيني

ههههههههههههه
الفضول إللي قتل القطة


بإذن الله تعالى سيتم افتتاح المدونة على شهر رمضان المبارك

 

كــاتب الـــرد Blogger إيمان الحسيني

عندي سؤال
الآية إللي أنت كاتبها فوق صندوق الرد بتعملها إزاي ؟

 

كــاتب الـــرد Blogger إيمان الحسيني

خلاص عرفت
:D

جزاك الله كل خير

 

كــاتب الـــرد Blogger ! Eslam !

ماشى يا طعمه
فى انتظار المدونه ومبروك على الكلام اللى فوق صندوق الرد :D

 

كــاتب الـــرد Blogger Che_wildwing

مشكور يابرنس
مش عارف نرد جمايلك دي ازاي

 

كــاتب الـــرد Blogger ! Eslam !

على ايه بس
انا تحت امرك فى اى حاجه
وكل سنه وانت طيب
ورمضان كريم

 

كــاتب الـــرد Blogger لؤلؤة الزمن

يااااااه اخي اسلام متتصورش انا فرحت قد ايه بمساعدتك دي..
احب في الشرح اللي يشرح بالتفاصيل عشان الناس الغلابة اللي زيي تفهم..
مدونتي كانت كئييييبه اوي
غيرتها دلوقتي..
ويارب تكون افضل..
شكرا ليك يا اسلام
اختك لؤلؤة الزمن

 

كــاتب الـــرد Blogger ! Eslam !

ايه دة مش معقول لؤلؤة الزمن هنا اهلا وسهلا
ايه فينك من زمان
والمدونه بتاعتك دخلت عليها من فتره
لقيته اتلغت خالص من بلوجر
بس شوفتها دلوقتى لقتها تمام والاستايل روعه
ما شاء الله عليكى
بس الاستايل دة تقربيا نفس استايل ليتنى حياه
يلا مش مشكله كلكم اخوات العبو معا بعض
سعيد جدا بمرورك يا لؤلؤة والله
ويارت تتابعى معايا هنا واى استفسار محتاجه حاجه اكتبها هنا او فى شات بوكس او فى سجل الزوار
سلام عليكم

 

كــاتب الـــرد Blogger تامر خليفه

تمام يا باشا

دروس تحفه يا هندسه

جزاك الله كل خير وجعله الله في ميزان حسناتك

 

كــاتب الـــرد Blogger ! Eslam !

ربنا يكرم يا تامر
جزانا الله واياكم
وانا تحت امرك يا باشا فى اى وقت

 

كــاتب الـــرد Blogger أم حذيفة

والله كان نفسي اغير الاستيل بتاعا

بوركت اخي
خيراجزاكم الله

 

كــاتب الـــرد Blogger mo'men mohamed

تُشكر يا باشا
السلام عليكم

 

كــاتب الـــرد Blogger بنت الصالحين

السلام عليكم
اخى اسلام جزاك الله خيرا
انا كنت كرهت المدونه بتاعتى دى
علشان حكايه الاكواد والكلام ده
على فكره انا عملت الساعه والعداد
كل ده فى عشر دقايق بس
بجد شرحك سهل وبالتفصيل
هظبت المدونه الاول كدخ واخليها حلوة بمساعدتك وبعدين ابقى اشهرها
فى المدونيين العرب

متشكره جدا

 

كــاتب الـــرد Anonymous غير معرف

السلام عليكم ورحمة الله
اذيك يا اسلام باشا بصراحة انا امشيت معاك بالخطواط الى انت كتبتها بس كل ما اختار قال واضيفة يكتبلى علامات استفهام كتيييييير وفى الاخر ميتعملش ايه رئيك
لو ممكن تفيدنى يبقى جزاكم الله خيرا او ممكن تعملهالى انتى يبقى كتر خيرك قوى

 

كــاتب الـــرد Anonymous غير معرف

اسف نست اديك اسم المدونه
WWW.MSHHSKT.BLOGSPOT.COM

 

كــاتب الـــرد Anonymous غير معرف

انا عاوز اضيف القالب دة
http://www.finalsense.com/services/blog_templates/cafe_blog.htm

 

كــاتب الـــرد Blogger أدلينا

ليش الطريقة مازبطت معايا والله حتجنن
تجيني هذي الرسالة:
تحرير محتويات القالب الخاص بك. اعرف المزيد
تعذر علينا حفظ القالب
يرجى تصحيح الخطأ التالي، ثم إرسال القالب مرةً أخرى.
لا يمكن توزيع القالب الخاص بك لأنه غير منسق بشكل جيد. الرجاء التأكد من إغلاق كافة عناصر XML بشكل صحيح.
رسالة خطأ XML: The content of elements must consist of well-formed character data or markup

 

كــاتب الـــرد Anonymous غير معرف

السلام عليكم ورحمة الله وبركاته أخوووي أولاً يعطيك العافيه أخوي ثانياً حبيت أسألك سؤال لوتكرمت أنك تجيب لي على السؤال أنا مثلك لدي مدوونه والله أني مبتلش صرااحه أبي تعلمني أخي كيف يمكنني أزالة الأشتراك في الرسائل اللي تجي بأول الصفحه ووضع رابط لها يعني زي مدوونتك بسم الله ماشاء الله

وأرجوو أنك تضيفني لديك shjoon_op@hotmail.com
أخووك فيصل

 

كــاتب الـــرد Blogger World Finance

احسنت وشكرا لك
world technical
http://worldtechnical.blogspot.com

 

كــاتب الـــرد Blogger Mohammed Ezzat Mohammed Nour

مجهوود رائع

اتمنى تصميمات للإعلانات داخل الموضوع

ومتشكر جدا
http://ezzoo-googleaffiliate.blogspot.com

http://ezzoo-googleadsense.blogspot.com

http://ezzoo-fxonlinetrading.blogspot.com

 

كــاتب الـــرد Anonymous غير معرف

http://decorativestyle.blogspot.com/

 

كــاتب الـــرد Blogger lamasat mothera

تحياتي لك استاذي الكريم
ويعطيك الف عافيه على المجهود الرائعه

استاذي أنا لدي مدونة متعلقه بمجال الازياء ، وارغب في تغير الاستايل تبعها بأحد القوالب المتواجدة ، ولكن كل ما انشخ الكود واقوم بلصقه في المحرر ، تفيدني رساله بأن هنالك خطاء في المحرر
فما هو الحل واتمنى أن لا يتاخر علي ردك الكريم

اكرر التحيه

 

كــاتب الـــرد Blogger بنت الاسلام

السلام عليكم ورحمة الله وبركاته

انا عملت اللى حضرتك قلت عليه لكن تظهرلى الرسالة دى

يرجى تصحيح الخطأ التالي، ثم إرسال القالب مرةً أخرى.
لا يمكن توزيع القالب الخاص بك لأنه غير منسق بشكل جيد. الرجاء التأكد من إغلاق كافة عناصر XML بشكل صحيح.
رسالة خطأ XML: The content of elements must consist of well-formed character data or markup.


ومش عارفة أعمل ايه بعدها

لو ممكن تفيدنى يبقى جزاك الله خيرا كثيرا

وشكرا وكل عام وحضرتك بخير

 

كــاتب الـــرد Anonymous غير معرف

Tenemos un poco de dificultad para suscribir el rss, en cualquier caso, he datos marcados este gran sitio, es muy útil, más llena de información.

 

كــاتب الـــرد Blogger ا اشرف زايد

انا عايز اخلى شكل البلوجر بتاعى زى بتاعك كده وعايز اعمل صفحه رئيسيه وصفحه اخبار وصفحه اغانى واحط عليه اعلانات قولى ازاى ممكن تتصل بيا على الموبايل وانا لما اعرفك هقفل وارن عليك انا رقمى
01128491301
ودى صفحتى على الفيس بوك لو مش عايز موبايل
www.facebook.com/max.vip.man

 

كــاتب الـــرد Anonymous غير معرف

Very nice post. I simply stumbled upon your blog and wished to say that I have really
loved browsing your blog posts. After all
I will be subscribing for your rss feed and I'm hoping you write again very soon!

Also visit my blog ... best cellulite treatment

 

اكتب تعليق